ओखलढुंगा । आम निर्वाचन २०७९ अन्तर्रगत ओखलढुंगा प्रदेश सभा क्षेत्र नं. १ मा गठबन्धन तर्फका साझा उम्मेदवार नेपाली कांग्रेसका प्रदिपकुमार सुनुवार विजयी भएका छन ।
बिजयी सुनुवारले १४ हजार ९ सय १६ मत प्राप्त गर्दा उनका निकटतम प्रतिष्पर्धी नेकपा एमालेका अम्बीरबाबु गुरुङले १४ हजार ५ सय ५६ मत ल्याएका थिए । उनिहरु बिचको मतान्तर ३६० छ ।
गुरुङ प्रदेश नम्बर १ का पूर्व भौतिक पूर्वाधार मन्त्री हुन भने सुनुवार जिल्लामा नेपाली कांग्रेसका लोकप्रिय नेताका रुपमा चिनिन्छन ।
प्रदेश सभा क्षेत्र नम्बर १ मा विभिन्न दलबाट ५ जनाले उम्मेदवारी दिएका थिए । जसमा जनता समाजबादी पार्टी (जसपा) का खेमराज खड्काले मत १ हजार ८० मत पाएका छन भने नेपाल मजदुर किसान पार्टी (नेमकिपा) का नबराज खत्रीले ६६ मत प्राप्त गरेका छन ।
यता मंगोल नेशनल अर्गनाईजेसनका लाक्पा शेर्पाले १०८ मत प्राप्त गरेका थिए ।
