ओखलढुंगा: मानेभज्याङ गाउँपालिका ४ केत्तुकेमा सुमो र मोटरसाईकल ठोक्किदा मोटरसाईकल चालक घाईते भएका छन् । बिहिबार बिहान जिल्ला सदरमुकामबाट मानेभज्याङ तर्फ जादै गरेको ना १ ज ७००१ नम्बरको सुमो र बिपरित दिशाबाट आउदै गरेको प्रदेश नम्बर ३–०२–००४ प ९२७७ नम्बरको मोटरसाईक एकआपसमा ठोक्किएर दुर्घटना भएको हो ।
दुर्घटनामा परेर मोटरसाईक चालक मानेभज्याङ गाउँपालिका ४ केत्तुकेका ५३ बर्षिय रत्न बहादुर तामाङ घाईते भएका छन् । घाईते तामाङको निधारमा समान्य चोट लागेको छ । उनको ओखलढुंगा साुदायीक अस्पतालमा उपचारका लागी ल्याईएको छ ।
मोटरसाईकललाई ठक्कर दिने सुमोका चालक सिनपा ७ का ३३ बर्षिय गेल्बु शेर्पा र सवरीसाधनलाई प्रहरीले नियन्त्रणमा लिएको जिल्ला प्रहरी कार्यालय ओखलढुुंगाले जनाएको छ ।
