ओखलढुङ्गा । नेकपा एमाले ओखलढुङ्गाको अध्यक्षमा ज्ञानबहादुर (जिबी) खड्का निर्वाचित भएका छन् । १० औं जिल्ला सम्मेलन अन्तर्गत आज (बुधबार) सम्पन्न निर्वाचन मत परिणाम अनुसार उनका प्रतिस्पर्धी तथा निवर्तमान उपाध्यक्ष हर्कबोल राईलाई ११ मतले पछि पार्दै खड्का निर्वाचित भएका हुन् ।
त्यस्तै उपाध्यक्ष पदमा झम्कहरि बडाललाई पराजित गर्दै कमल न्यौपाने निर्वाचित भएका छन् भने सचिवमा टंकलाल गिरीलाई पराजित गर्दै अशोककुमार थापा निर्बाचित भएका छन् ।
उपसचिव महिला पदमा लिखु गाउँपालिकाका उपाध्यक्ष अस्मिता थापा विजयी बनेकी छन् । खुला उपसचिव पदमा भने दामोदर धमलालाई ९ मतले पछाडी पार्दै राजिव कटवाल निर्वाचित बनेका छन् ।
