ओखलढुंगा । स्कूटरको ठक्करबाट एक महिला घाइते भएकी छिन । जिल्लाको सिद्धिचरण नगरपालिका ११ मिलनचोकमा स्कूटरको ठक्करबाट स्थानीय ४६ वर्षिय कृष्णकुमारी बिक घाइते भएकी हुन ।
आज (सोमबार) ५:४५ बजे तिर मिलनचोकबाट केत्तुके तर्फ जादै गरेको बा ९६ प १४६४ नम्वरको स्कुटरले पैदल यात्रा गरिरहेकी उनलाइ ठक्कर दिएको थियो ।
उनको तत्काल उद्द्वार गरी उपचारको लागी सामुदायिक मिसन अस्पताल सोब्रु पठाइएको छ । हाल उनको अस्पतालमा उपचार भईरहेको र अवस्था सामान्य रहेको प्रहरीले जनाएको छ ।
ठक्कर दिने स्कुटर प्रहरीले नियन्त्रणमा लिएको छ भने स्कुटर चालक उपचारमा संलग्न रहेको बताइएको छ । घटना बारे थप अनुसन्धान जारी रहेको जिल्ला प्रहरी कार्यालय ओखलढुंगाले जनाएको छ ।
