ओखलढुंगा । कृषी फर्ममा आगलागी हुँदा झन्डै ८० लाख रुपैयाँ बराबरको क्षति भएको छ । जिल्लाको मोलुङ गाउँपालिका १ कुन्तादेवीमा स्थानीय संजय खत्रीले सञ्चालन गरेको फर्ममा गएराती आगलागी भएको हो ।
आगलागीमा परि १ सय २५ वटा खसीबाख्रा जलेर मरेका छन भने फर्मको भौतिक संरचना समेत पूर्ण रुपमा जलेर नष्ट भएको छ । राती झन्डै १ बजेतिर फर्ममा विद्युत सट भएर आगलागी भएको पाईएको जिल्ला प्रहरी कार्यालय ओखलढुंगाका प्रहरी निरीक्षक केशब अधिकारीले जानकारी दिए ।
उनका अनुशार फर्ममा आगलागी भएको जानकारी पाएपछि ईलाका प्रहरी कार्यालय रामपुरबाट प्रहरी टोली त्यसतर्फ खटेको थियो । प्रहरी र स्थानीयको प्रयासमा झन्डै ३ घण्टाको प्रयासमा आगो पूर्ण रुपमा नियन्त्रणमा लिईएको थियो ।
यस्ता छन तस्बीरहरु । तस्बीर सौजन्य ः जिल्ला प्रहरी कार्यालय ओखलढुंगा ।
