ओखलढुंगा । जिल्लाको सिद्धिचरण नगरपालिका ११ सोब्रु स्थित १ घरमा आगलागी हुँदा १५ लाख रुपैयाँ बराबरको क्षति भएको छ । आज (बुधबार) दिउँसो स्थानीय प्रकाश राईको घरमा आगलागी हुँदा उक्त रकम बराबरको क्षति भएको हो ।
निज राइको घरमा डेरा गरी बस्ने शंकरराज राईको ४ लाख नगद र ३ तोला सुन समेत आगोलागीमा परेको भनि बिगोसमेत आकल गरिएको जिल्ला प्रहरी कार्यालय ओखलढुंगाका प्रहरी नायब उपरीक्षक सुकदेव खनालले जानकारी दिए । उनका अनुशार घर, नगद, सुन र अन्य जिन्सी सामान समेत गरी १५ लाख बराबरको क्षति भएको हो ।
घरमा अचानक आगलागी भएको जानकारी पाएपछि स्थानीय संगै प्रहरी, नेपाली सेना र सिद्धिचरण नगरपालिकाको दमकल समेत परिचालन गरिएको थियो ।
केहि समयको प्रयासपछि आगो नियन्त्रणमा आएकाले आसपासका अन्य घरमा भने क्षति हुन नपाएको बताईएको छ । यद्यपी आगलागीको कारण भने खुलिनसकेको जिल्ला प्रहरी कार्यालय ओखलढुंगाले जनाएको छ ।
