ओखलढुंगा । सिद्धिचरण नगरपालिकाको २०७९ को राष्ट्रपती रनिङ शिल्डको उपाधी लालीगुरास अंग्रेजी विद्यालयले जितेको छ । नगरपालिका भित्रका संस्थागत र सामुदायिक गरी १५ विद्यालय सहभागी प्रतियोगितामा लालिगुरास ६४ पदक सहित प्रथम स्थान ओगट्न सफल भएको हो ।
गत शनिबारबाट सुरु भएको प्रतियोगितामा लालिगुरासले ४१ स्वर्ण, १२ रजत र ११ कास्य पदक जितेको छ । त्यस्तै सगरमाथा जनता माविले १९ स्वर्ण, १४ रजत र १८ कास्य गरी जम्मा ५१ पदक जितेर दोस्रो स्थान हासिल गर्न सफल भएको छ भने रुम्जाटार मावि रुम्जाटार तेस्रो भएको छ । रुम्जाटार माविले १३ स्वर्ण, १६ रजत र २ कास्य गरी जम्मा ३१ पदक हात पारेको थियो ।
प्रतियोगितामा प्रथम, द्धितिय र तृतिय हुने विद्यालयलाई शिल्ड, मेडल र प्रमाणपत्रको साथमा क्रमश नगद रु १५ हजार, १२ हजार र १० हजार नगद पुरस्कार प्रदान गरिएको थियो ।
तस्बीर सौजन्य : सिद्धिचरण नगरपालिकाको फेसबुक पेजबाट ।
