रामेछाप: रामेछापको भटौलीमा बोलेरो जिप दुर्घटना हुदाँ चारजनाको घटनास्थलमै ज्यान गएको छ । अन्य ११ जना घाईते भएका छन् । मन्थलीबाट कौछिनीका लागी छुटेको बा ११ च ५५३ नम्बरको बोलेरो मन्थली नगरपालिका ७ भटौली स्थित मानेखोप भन्ने स्थानमा दुर्घटनामा परेको मन्थली नगरपालिका ७ भटौलीका वडा अध्यक्ष भुवनहरी प्रसाईले जानकारी दिनुभयो ।
मृत्यु हुनेमा एकजना बालक,एकजना महिला र अन्य दुईजना बृद्धा रहेका छन् । मृत्यु हुनेहरुको परिचय खुलेको छैन । चालक सहित घाईते सबैको अवस्था गम्भिर रहेको वडा अध्यक्ष प्रसाईको भनाई छ ।
सडकबाट करिब ७० मिटर तल खसेको बोलेरोमा १६ जना सवार रहेका थिए । घाईतेहरुलाई एम्बुलेन्स र प्रहरीको भ्यान मार्फत मन्थलीतर्फ ल्याईदैछ। घटनाको बिषयमा थप बिवरण आउन बाँकी छ ।
