ओखलढुंगा । बोलेरो दुर्घटना हुदा चालक सहित ४ जना घाइते भएका छन । आज (मंगलबार) साझ ६ :३० बजेको समयमा जिल्ला ओखलढुंगा चिशंखुगढी गा.पा. वार्ड नं. ८ ओखलढुङ्गा-माम्खा भित्री सडक खण्ड स्थित भडारे खोला छेउमा दुर्घटना भएको हो ।
ओखलढुङ्गाबाट माम्खा तर्फ चालक सहित ५ जना यात्रु बोकेर जादैं गरेको को. १ ज ३५०८ न. को बोलेरो गाडी सडकको मोडमा आफै अनियन्त्रित भई सडकको छेउमा पल्टी सवारी दुर्घटना भएको प्रहरीले जनाएको छ ।
दुर्घटनामा परी चालक मानेभञ्ज्याङ गाउपालिका वडा नम्बर ९ माधवपुरका ३३ बर्षका रमेश श्रेष्ठ, चिशंखुगढी गा.पा. वार्ड नं. ८ माम्खा बस्ने वर्ष २१ का, प्रविन राइ, सोही ठाउकी ११ बर्षकी स्वस्तिका कट्वाल र ३४ बर्षकी सिता कट्वाल घाइते भएका हुन।
उनिहरुको तत्काल उद्द्वार गरि उपचारको लागि सामुदायिक अस्पताल सोब्रु पठाइएको जिल्ला प्रहरी कार्यालय ओखलढुंगाले जनाएको छ । घाइतेहरुको शरिरका विभिन्न भाग र अनुहारमा चोट लागेको बताइएको छ ।
