ओखलढुंगा । आफ्नै श्रीमानको कुटपिट बाट श्रीमतीको मृत्यु भएको छ । जिल्लाको सिद्धिचरण नगरपालिका ५ बिप्ल्याटे बस्ने बर्ष- ४० को काजि शेर्पाले गएराती आफ्नै ४० वर्षिय श्रीमती ङिमकिमु शेर्पालाई कुटपिट गरेका थिए ।
कुटपिट बाट गंभिर घाईते भएकी शेर्पालाइ स्थानीयको सहयोगमा राती २:३० बजेतिर उपचारको लागि सामुदायिक मिसन अस्पताल ओखलढुङ्गा ल्याइएको थियो ।
उनको उपचारकै क्रममा राती २:४८ बजेतिर मृत्यु भएको प्रहरीले जनाएको छ । घटनाको जानकारी प्राप्त हुनासाथ प्रहरी टोलि खटि गई कुटपिट गर्ने काजि शेर्पालाई अनुसन्धानका लागि नियन्त्रणमा लिएको र मृतकको लास पोस्टमार्टम पश्चात् आफन्तको जिम्मा लगाइएको छ ।
निज शेर्पाले श्रीमतीलाई कुटपिट गर्नुको कारण खुलिनसकेको र घटना बारे थप विवरण आउन बाकी रहेको जिल्ला प्रहरी कार्यालय ओखलढुंगाले जनाएको छ ।
