६ साउन, काठमाडौं । इंग्लिस क्लब म्यानचेस्टर युनाइटेडका आक्रामक मिडफिल्डर जेसे लिंगार्ड फ्रि ट्रान्सफरमा नोट्टिङ्हममा अनुबन्ध भएका छन् ।
२९ वर्षे मिडफिल्डर लिंगार्डले यसैवर्ष प्रिमियर लिगमा बढुवा भएको नोट्टिङ्हममा १ वर्षको सम्झौता गरेका हुन् ।
इंग्ल्यान्डका लागि ३२ क्याप जितेका २९ वर्षीय मिडफिल्डर लिंगार्डले नटिङह्याममा १ वर्षका सम्झौता गरेका हुन् । उनी यो समरमा नोट्टिङ्हममा अनुबन्धित हुने ११औं खेलाडी हुन् ।
युनाइटेडकै एकेडेमीका उत्पादन लिंगार्डले २२ वर्षपछि क्लब छाडेका हुन् । उनको क्लबसँगको सम्झौता यो सिजनको अन्त्यसम्म थियो । २०११ देखि युनाइटेडको सिनियर टोलीमा रहेका लिंगार्डले २३२ खेलमा ३५ गोल गरेका छन् । अधिकांश सिजन लोनमा अन्यत्र क्लब पुगेका लिंगार्डले लेस्टर सिटी, बर्मिङहम सिटी, ब्राइटन, डर्वी काउन्टी र वेस्टहाममा लोनमा खेलेका थिए । आफ्नो लोन अवधि पूरा गर्दै उनी गत सिजन युनाइटेड फर्किएका थिए । उनले गत सिजन युनाइटेडका लागि २२ खेलमा २ गोल गरे ।
अनलाईन खबर डटकम बाट साभार गरिएको ।
