ओखलढुंगाः झोलुङ्गे पुलबाट हामफालेर एक महिला बेपत्ता भएकी छिन् । जिल्लाको मोलुङ गाउँपालिका ५ का निवासी पुजा दर्जी मंगलबार साझ ५ः३० बजे मोलुङ गाउँपालिका २ र ५ नम्बर वडा जेड्ने झोलुङ्गे पुलबाट हाम्फालेर बेपत्ता भएकी हुन् ।
दर्जी झोलुङ्गे पुलबाट हामफालेको मोलुङ हाईड्रो पावरमा काम गर्ने कामदारले देखेर प्रहरीलाई खबर गरेको जिल्ला प्रहरी कार्यलय ओखलढुंगका प्रहरी निरिक्षक देवेन्द्र दासले जानकारी दिए ।
बेपत्ता दर्जीको खोजिकार्य भैरहेको भएपनि अझै फेला पर्न सकेको छैन । झोलुङ्गे पुलबाट हामफाल्ने ब्यक्ती दर्जी नै भएको उनका श्रीमान खिला दर्जीले पुष्टि गरेका छन् ।
