ओखलढुंगा: मोलुङ गाउँपालिका १ कुन्तादेबीमा वडा स्तरिय तीज गीत प्रतियोगिता अयोजना गरिएको छ। मंगलबार वडा कार्यालयमा वडा स्तरिय आमा समुह सञ्जालले तिज गीत प्रतियोगीताको अयोजना गरेको हो ।
हिन्दु नेपाली महिलाहरुको महान पर्व हरितालीका तीजको अवसरमा संकृती संरक्षण तथा महिला दिदी बिहिनीहरुको भेटघाटका लागी प्रतियोगीताको आयोजना गरेको वडा अध्यक्ष कमल बानिँयाले बताए ।
प्रतियोगीतामा सरस्वती मा बि बुग्नाम किशोर किशोरी समुह प्रथम , सिर्जनशील आमा समुह द्धतिय, मिलन चोक आमा समुह सञ्जाल तितृय र पिपल बोट किशोरी समुह सान्त्वना भएका छन् । प्रतियोगीतामा प्रथम,द्धितिय,तृतिय र सान्त्वना हुने टिमलाई क्रममा नगद रु ८ हजार, ५ हजार, ३ हजार र दुई हजार रुपौया प्रदान गरिएको छ ।
प्रतियोगीतामा वडा भित्रका ११ टिमको सहभागीता रहेको थियो । प्रतियोगीता सञ्चालनका लागी २५ हजार रुपौया बजेट बिनियोजन गरेको वडा कार्यालयले जनाएको छ।
