ओखलढुंगा । सुनकोशीमा पौडी खेल्दा डुबेर बेपत्ता भएका बालक मृत फेला परेका छन ।
पौडी खेल्ने क्रममा सुनकोशी नदिले बगाएर गोलन्जोर गाउपालिका घर भइ हाल जिल्लाको चम्पादेवी गाउँपालिका २ नवलपुर (मावली हजुरबुवा) को मा बस्दै आएका १० वर्षिय बालक प्रबीण सुनुवार बेपत्ता भएका थिए।
आज (शुक्रबार) बिहान झन्डै १०:४० बजेतिर सोही स्थान स्थित सुनकोशी नदिमा पौडी खेल्ने क्रममा अचानक डुबेर बेपत्ता भएका उनलाइ आज साझ झन्डै ६ बजेतिर मृत फेला पारिएको हो ।
बालक बेपत्ता भएपछी नेपाल प्रहरी, स्थानीयबासी र माछा मार्ने स्थानीय माझीहरु समेतले खोजी जारी राखेका थिए । सोही क्रममा निज बालक नदिमा हराएको स्थानमा माझीहरुको माछा मार्न प्रयोग गर्ने जालको सहयोगमा निज बालकको मृत शव फेला परेको प्रहरीले जनाएको छ ।
उक्त शवलाई नदीबाट बाहिर निकाली राखिएको र थप अनुसन्धान तथा कानुनी प्रकृयाको लागि इलाका प्रहरी कार्यालय बरुणेश्वर ओखलढुङ्गाबाट प्रहरी निरीक्षक सहित प्रहरी टोली घटना स्थल तर्फ प्रस्थान भएको जिल्ला प्रहरी कार्यालय ओखलढुंगाले जनाएको छ ।
