ओखलढुंगा । पौडी खेल्ने क्रममा सुनकोशी नदिले बगाएर एक बालक बेपत्ता भएका छन । बेपत्ता हुनेमा सिन्धुलीको गोलन्जोर गाउपालिका घर भइ हाल जिल्लाको चम्पादेवी गाउँपालिका २ नवलपुर (मावली हजुरबुवा) को मा बस्दै आएका १० वर्षिय बालक प्रबीण सुनुवार रहेका छन ।
आज (शुक्रबार) बिहान झन्डै १०:४० बजेतिर सोही स्थान स्थित सुनकोशी नदिमा पौडी खेल्ने क्रममा अचानक डुबेर बेपत्ता भएको प्रहरीले जनाएको छ । घटनाको जानकारी पाएपछि प्रहरी चौकी पलापुबाट प्रहरी सहायक निरिक्षकको कमाण्डमा खटिएको प्रहरी टोली र स्थानीयबासीद्वारा खोजतलास गर्ने कार्य भईरहेको छ ।
घटना बारे थप जानकारी आउन बाकि रहेको जिल्ला प्रहरी कार्यालय ओखलढुंगाले जनाएको छ ।
