ओखलढुंगा । खरबारीमा आगो लगाउने २ जना पक्राउ परेका छन । सोमबार साझ जिल्लाको सिद्धिचरण नगरपालिका ११ मिलनचोक स्थित नगरपार्क नजिकै रहेको ब्यक्तिगत खरबारीमा आगो लगाउने २ जना पक्राउ परेका हुन । पक्राउ पर्नेमा स्थानीय २६ वर्षिय महेश बिक र २३ वर्षिय सुजन बिक रहेका छन ।
स्थानीय मिनुमाया गुरुङको निजि वन (खरबारी) मा आगो लगाई क्षती पुर्याएको भन्ने निज गुरुङले अपराधिक उपद्रव (आगो लगाएको) कसुरमा दिएकी जाहेरी अनुशार आज (मंगलबार) उनिहरुलाई पक्राउ गरिएको प्रहरीले जनाएको छ ।
पक्राउ परेका उनिहरुलाइ जिल्ला अदालत ओखलढुंगाबाट हिरासतमा राखी अनुसंधान गर्नु भनि दिन ४ म्याद थपभई घटना बारे थप अनुसन्धान भैरहेको जिल्ला प्रहरी कार्यालय ओखलढुंगाले जनाएको छ ।
सोमबार साझ झन्डै ७:२० बजेतिर लागेको उक्त आगो बेलुका ८ बजेतिर प्रहरी, स्थानीयबासी र सिद्धिचरण नगरपालिकाको दमकल समेत प्रयोग गरि नियन्त्रणमा लिइएको थियो ।
