ओखलढुंगा । प्रहरीले अवैध उत्तीसको काठ सहितको ट्रक पक्राउ गरेको छ । जिल्लाको सिद्दिचरण नगरपालिका वडा नं.-५ बर्णालु स्थितबाट आज (सोमबार) साझ ६ बजेतिर गोप्य सुचनाको आधारमा अबैध काठ र ट्रक पक्राउ गरेको हो ।
जिल्ला प्रहरी कार्यालयबाट खटिएको प्रहरी टोलीले ना. ७ ख ६३१९ नम्बरको ट्रकमा ट्रक चालक चेत बहादुर बुढाथोकी र सहयोगी दुर्गा बहादुर कार्कीले उतिस जातका अबैध गोलिया काठ लोडगर्दै गर्दाको अवस्थामा नियन्त्रणमा लिएको प्रहरीले जनाएको छ ।
कानूनको रीत पुर्वक बरामद गरी ४२०.३६ क्यु.बि. उतिसको काठ सहितको ट्रक, चालक जिल्ला उदयपुर कटारी नगरपालिका वडा नं. ९ बस्ने वर्ष २६ को बुढाथोकी र सहयोगी धनकुटा पाख्रिवास नगरपालिका वडा नं.५ बस्ने वर्ष ५५ को कार्की समेतलाई आवश्यक कार्वाहीको लागि डिभिजन वन कार्यालय, ओखलढुङ्गा पठाईएको छ ।
