ओखलढुंगा । भिरबाट झरेको ढुंगा लागेर १ जनाको मृत्यु भएको छ । मृत्यु हुनेमा जिल्लाको मोलुङ गाउँपालिका वार्ड नं.-३ चौतारा बस्ने अन्दाजी वर्ष ७३ को जित बहादुर सुनुवार रहेका छन ।
आज (आइतबार) दिउँसो २:३५ बजेतिर घर देखि अन्दाजी ५० मिटर पश्चिममा बाख्रा चराउनको लागि उनी गोठाला गएका थिए । सोही क्रममा सोही स्थानको मसिने डाँडाभिरबाट अचानक ढुङ्गा झरी निजको टाउकोमा लाग्दा घट्नास्थलमै मृत्यु भएको प्रहरीले जनाएको छ ।
घटना बारे स्थानीयले टेलिफोन मार्फत प्रहरी चौकी प्राप्चामा जानकारी गराउनासाथ प्रहरी चौकी प्राप्चा र थप अनुसन्धान तथा कानुनी प्रकृयाको लागी ईलाका प्रहरी कार्यालय वरुणेश्वरबाट प्रहरी टोली त्यसतर्फ प्रस्थान गरेको छ ।
घटना बारे बिस्तृत विवरण आउन बाकि रहेको जिल्ला प्रहरी कार्यालय ओखलढुंगाले जनाएको छ ।
