ओखलढुंगा । बिरामी भइ उपचारको लागि जिल्ला बाहिर लैजाने क्रममा १ जनाको मृत्यु भएको छ । सप्तरीको मझौरा घर भई बिगत २०/२२ दिन देखी जिल्लाको सिद्धिचरण नगरपालीका १२ भैरबटोल स्थित छोरी ज्वाईकोमा बस्दै आएका अन्दाजी बर्ष ७० को कृष्णप्रसाद मण्डलको मृत्यु भएको हो ।
बिरामी भएपछि उनलाइ आज (बिहिबार) बिहान सप्तरी घरतर्फ ओखलढुङगा बाट बिराटनगर जाने गाडीमा लैजाने तयारी गरिएको थियो । पहिले निश्चित गरिएको गाडीमा यात्रु कम भएकोले गाडी नजाने भएपछि अर्को गाडीमा लान भनी उक्त गाडी बाट निकाली बाटोमा राखिएको थियो ।
सोहि अबस्थामा उनको सिनपा ११ स्थित मिलनचोकमा मृत्यु भएको पाइएको प्रहरीले जनाएको छ । घटनाको जानकारी पाएपछि खटिएको प्रहरी टोलिले कानुनी प्रकृया र पोस्टमार्टम पश्चात शव आफन्तलाई बुझाइसकिएको जिल्ला प्रहरी कार्यालय ओखलढुंगाले जनाएको छ ।
