ओखलढुंगा: सिद्धिचरण नगरपालिका ६ ठाडेमा एक घरमा आगलागी हुदाँ २० लाख बराबरको क्षेती भएको छ । बुधबार बेलुका बिद्युत सर्ट भएर स्थानीय डम्बर बहादुर मगरको घरमा अचानक आगलागी भएको प्रहरीले जनाएको छ ।
बेलुका १०ः१५ बजेको समयमा घरमा अचनाक आगलागी हुदाँ मगरको ढुंगा माटोले बनेको चार तले घर जलेर पुर्ण रुपमा नष्ट भएको जिल्ला प्रहरी कार्यालय ओखलढुंगाका प्रहरी निरिक्षक देवेन्द्र दासले जानकारी दिए । रातको समयमा मगरको घरमा अचानक आगलागी भएको स्थानीयको भनाई छ ।
आगलागीबाट घरभित्र रहेको अन्नपात तथा लत्ताकपडा जलेर पुर्ण रुपमा नष्ट भएको प्रहरी निरिक्षक दासको भनाई छ । घरभित्र रहेका परिवारका सदस्य भागेर बच्न सफल भएको प्रहरीले बताएको छ । आगो ओखलढुंगा र सोलुखुम्बुबाट गएको बारुणन्त्रणले लामो समयपछि नियन्त्रणमा लिएको थियो ।
घटनापछि जिल्ला सदरमुकामबाट खटेको प्रहरी टोलीले क्षेतीको बिवरण संकलन गरेर पिडित परिवारलाई सुरक्षित स्थानमा सारिएको जिल्ला प्रहरी कार्यालय ओखलढुंगाले जनाएको छ ।
