रामेछाप । मन्थलीबाट पैसासहितको झोला चोरी गरेको आरोपमा एक युवक पक्राउ परेका छन् । शुक्रबार बिहान मन्थली नगरपालिका २ करमबाटेबाट स्थानीय मन्दिरा खत्रीको पैसा सहितको झोला चोरीको आरोपमा सोही स्थानका २० बर्षिय पुष्कर माझिलाई प्रहरीले पक्राउ गरेको हो ।
बिहान खेतमा पैसा सहितको झोला राखेर काम गरिहेको अवस्थामा माझिले पैसा सहितको झोला चोरी गरेर फरार भएका थिए । झोला चोरीएको बिषयमा मन्दिराले प्रहरीमा जाहेरी दिएपछि उनलाई शुक्रबार (हिजो) नै प्रक्राउ गरिएको जिल्ला प्रहरी कार्यालय रामेछापले जनाएको छ ।
पैसा सहितको झोला चोरी गरेर भाग्दै गरेको अवस्थामा माझिलाई प्रहरीले मन्थली नगरपालिका ८ जखनिटारबाट पक्राउ गरिएको हो । पक्राउ परेका माझिको साथबाट १२ हजार ५ सय रुपौय नगर सहितको झोला फेला पारेको प्रहरीले जनाएको छ ।
चोरीमा संलग्न माझिलाई प्रहरी नियन्त्रणमा राखेर आवश्यक कारवाहीको प्रकृया अगाडी बढाएको छ ।
