ओखलढुङ्गा। जिल्लाको मोलुङ गाउँपालिकामा बोलेरो दुर्घटनामा परेको छ । जिल्ला सदरमुकामवाट यात्रु र सामान बोकेर सुनकोशी गाउँपालिकाको कटुञ्जे तर्फ जादै गरेको बोलेरो दुर्घटना हुदा बोलेरोमा सवार दुईजना घाइते भएका छन् । जिल्ला सदरमुकामबाट सुनकोशी १० कटुञ्जे तर्फ जादै गरेको बा १८ च ८६०२ नम्बरको बोलेरो दुर्घटनामा परेको हो ।
बोलेरो दुर्घटनामा परि सुनकोशी १० कटुञ्जेका सरोज धमला र मोलुङ गाउँपालिका १ कुन्तादेवीका समिता घिमिरे गिरी घाईते भएको घटनास्थलबाट गोपाल गिरीले जानकारी दिए । मोलुङ गाउँपालिकाको वडा नं। १ म¥याङ भन्ने स्थानमा गाडी रोकिराखेको अबस्थामा बोलेरो आफै गुडेको प्रत्यक्षदर्शीले बताएका छन् ।
बोलेरोका चालक सुनकोशी १० का दुर्गा सुवेदी गाडी रोकेर बाहिर निस्केको अबस्थामा गाडी अगाडी गुडेर पल्टिएको बताईएको छ । दुर्घटनामा परि घाईते भएकाहरुको उद्धार गरि उपचारका लागि सामुदायीक अस्पताल सोब्रु ल्याउदै गरेको स्थानीय गोपाल गिरीले बताएका छन् । घटनाको बारेमा जानकारी भएपछि घटनास्थल तर्फ प्रहरी पठाईएको जिल्ला प्रहरी कार्यालय ओखलढुङ्गाका प्रहरी प्रमुख प्रहरी नायव उपरीक्षक दिपक केसीले जानकारी दिए ।
बोलेरोमा ५ जना सवार रहेको बताईएको छ । घटनाको बारेमा विस्तृत विवरण भने आउन बाँकी रहेको छ ।
