ओखलढुंगा । मोटरसाईकलको ठक्करबाट एक बृद्धा घाईते भएकी छिन । जिल्लाको सिद्धिचरण नगरपालिका ५ बर्णालु स्थित भित्री सडकमा मोटरसाईकलको ठक्करबाट सोहि ठाउँकी ७९ बर्षिया हर्ककुमारी भुजेल घाईते भएकी हुन ।
आज (सोमबार) दिउँसो सदरमुकामबाट रुम्जाटार तर्फ जाँदै गरेको को ९ प ६९०३ नं को मोटरसाईकलले पैदल यात्रा गरिरहेकी उनलाई ठक्कर दिएको थियो । मोटरसाईकलको ठक्करबाट उनका दाहिने खुट्टाको बुढि औंलामा चोट लागेको र टाउको सुन्निएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए ।
घाईते भुजेलको उद्धार गरी जिल्ला अस्पताल रुम्जाटारमा सामान्य उपचार पश्चात थप उपचारका लागि सामुदायिक अस्पताल सोब्रु पठाईएको छ । ठक्कर दिने मोटरसाईकल प्रहरीको नियन्त्रणमा रहेको र चालक सिनपा ११ रमाईलोडाँडा बस्ने बर्ष २१ को बिनोद कटवाल घाईतेको उपचारमा संलग्न रहेकोे जिल्ला प्रहरी कार्यालय ओखलढुंगाले जनाएको छ ।
घटना बारे विस्तृत विवरण आउन बाँकी रहेको प्रहरी निरीक्षक दासले जानकारी दिए । आईतबार दिउँसो पनि मोटरसाईकलकै ठक्करबाट सिनपा ११ स्थित जाल्पा नजिकै ८६ बर्षिया महिला घाईते भएकी थिईन् ।
