ओखलढुंगा । स्कुटर दुर्घटना हुँदा श्रीमान श्रीमती घाईते भएका छन् । जिल्लाको मानेभञ्ज्याङ गाउँपालिका ४ केत्तुकेबाट सदरमुकाम आउँदै गरेको बा ०२०३९ प ३८३३ नम्बरको स्कुटर सिद्धचरण नगरपालिका ११ स्थित बितलबमा दुर्घटना भएको हो ।
शुक्रबार साँझ झन्डै ७ बजे साईडमा रोकि राखेको ना ५ त १९२३ नम्बरको ट्रयाक्टरको ट्रलीमा स्कुटर अचानक ठक्कर खान गई दुर्घटना भएको प्रहरीले जनाएको छ । दुर्घटनामा परी स्कुटर चालक केत्तुकेका ३४ बर्षिय सुमन राई र स्कुटरको पछाडी सवार निजको ३४ बर्षिया श्रीमती ममिता राई घाईते भएका हुन ।
उनिहरुको उद्धार गरी तत्काल उपचारका लागि सामुदायिक अस्पताल सोब्रु लगिएको थियो । चालक सुमनको निधारमा चोट लागेको र श्रीमती ममिताको बाया खुट्टाको हड्डीमा समस्या देखिएको बताईएको छ । सोब्रुमा सामान्य उपचार पश्चात ममितालाई थप उपचारका लागि राती नै धुलिखेल अस्पताल काभ्रेपलाञ्चोक लगिएको जिल्ला प्रहरी कार्यालय ओखलढुंगाका प्रहरी निरीक्षक देबेन्द्र दासले जानकारी दिए ।
उनको हाल सोहि अस्पतालमा उपचार भैरहेको र थप विवरण आउन बाँकी रहेको जिल्ला प्रहरी कार्यालय ओखलढुंगाले जनाएको छ ।
