ओखलढुंगाःएसइई परीक्षामा उत्कृष्ट अङ्क (जिपिए) ल्याउने दुई छात्र छात्रालाई वडा कार्यालयले सम्मान गरेको छ । सिद्धिचरण नगरपालिका ९ ज्यामिरे स्थित कुन्ता माध्यमिक विद्यालयबाट एसइई परीक्षामा सहभागी परिक्षार्थीमध्ये उत्कृष्ट अङ्क ल्याउने दीपेन्द्र श्रेष्ठ र रोजिना श्रेष्ठलाई वडा कार्यालयले सम्मान गरेको हो ।
वडा कार्यालयले प्रोत्साहन स्वरूप छात्रतर्फ दीपेन्द्र र छात्रातर्फ रोजिनालाई नगद रु तिन–तिन हजार रुपैयाँ सहित सम्मान पत्रले सम्मान गरेको वडा अध्यक्ष गुणराज खड्का विवेकले जनाकारी दिए। एसइई परीक्षामा दीपेन्द्रले ३.४० जिपिए र रोजिनाले ३.५० जिपिए प्राप्त गरेका थिए ।
उनीहरूलाई आगामी शैक्षिक सफलताको शुभकामना सहित सम्मान गरिएको वडा अध्यक्ष खड्काको भनाई छ । आइतबार वडा कार्यालयमा एक कार्यक्रमको आयोजना गरेर उत्कृष्ट विद्यार्थी दोयलाई सम्मान गरेको वडा कार्यालयले जनाएको छ ।
यस वर्षको एसइई परीक्षामा कुन्ता मावि ज्यामिरेबाट ३० जना परीक्षार्थी सहभागी भएका थिए ।
