ओखलढुंगा । बोलेरो दुर्घटना हुँदा १ जनाको मृत्यु भएको छ भने अन्य ३ जना घाइते भएका छन । जिल्लाको सिद्धिचरण नगरपालिका २ ठूलाछाप स्थित भित्रि कच्ची सडकमा बुधबार साँझ ७ बजेको समयमा बोलेरो दुर्घटना हुँदा एक जनाको ज्यान गएको हो । दुर्घटनामा मृत्यु हुनेमा सोही ठाँउका ४५ बर्शिया नरमाया राई रहेकी छन ।
बा१५च८५७० नम्बरको बोलेरो गाडी सडकभन्दा ५० मिटर तल झरेर भएको दुर्घटनामा घाइते भएकी राईको उपचारका क्रममा मृत्यु भएको प्रहरीले जनाएको छ ।ठूलाछापबाट ओखलढुंगा सदरमुकामतर्फ आउँदै गरेको उक्त बोलेरोमा चढेका सिद्धिचरण नगरपालिका २ बस्ने १८ वर्षीय विवेक परियार, २९ वर्षीय मनोज कट्वाल र २५ वर्षीय निरज कट्वाल घाइते भएका छन् ।
उनीहरुको अवस्था सामान्य रहेको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए। घाइतेहरुको उद्दार गरेर प्रहरीले ओखलढुंगा सामुदायिक अस्पताल पठाएको थियो । घटना बारे थप अनुसन्धान भैरहेको जिल्ला प्रहरी कार्यालय ओखलढुंगाले जनाएको छ ।
