ओखलढुंगा । जिल्लाको सिद्विचरण नगरपालिका १० बेतेनी स्थित एक घरमा आगलागी हुँदा ११ लाख भन्दा बढीको क्षती भएको छ । आइतबार राती करिब २:३० बजे स्थानीय केदारनाथ धमलाको फुसको छानो भएको ३ तले ( पुरानो मान्छे नबस्ने ) घरमा आगामी भएको हो ।
आगलागीमा परि सोही घरमा पार्किङ गरेर राखिएको बा. ८२ प ७७२ न.को पल्सर र बा. ८५ प २४०८ न.को होण्डा मोटरसाइकल समेत जलेर नष्ट भएको छ । त्यस्तै घर र काठपात समेत पुर्ण रुपमा जलेर नस्ट हुँदा ११ लाख ९ हजार ९ सय रुपैयाँ बराबरको क्षती भएको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए ।
उक्त आगो स्थानीयको सहयोगमा बिहान सोमबार झण्डै ६ बजेको समयमा पुर्ण रुपमा नियन्त्रणमा आएको थियो । आगलागीबाट अन्य मानविय, चौपाया क्षति नभएको उनले जानकारी दिए । घटना बारे थप बिबरण आउन बाकी रहेको जिल्ला प्रहरी कार्यालय ओखलढुंगाले जनाएको छ।
