ओखलढुंगा । मोटरसाईकल र मिनिट्रक एक आपसमा ठोक्किँदा मोटरसाईलमा सवार २ जना घाईते भएका छन । जिल्लाको मानेभञ्ज्याङ गाउँपालिका वडा नं. ४ कोल्टार स्थित सिद्धिचरण लोकमार्गमा सवारी दुर्घटना भएको हो ।
ओखलढुंगाबाट काठमाण्डौ तर्फ जादैं गरेको बा.प्र.३–०३–००१ ख ०२२३ नम्बरको को मिनिट्रक र बिपरित दिशाबाट आउदैं गरेको बा.प्र.०२–०१८ प ५७२१ नम्बरको मोटरसाईकल एआपसमा ठक्कर खाई दुर्घटना हुँदा २ जना घाईते भएका हुन । घाईते हुनेमा मोटरसाईकल चालक सोलुखुम्बुको थुलुङदुधकोशी गाउँपालिका वडा नं. ७ बस्ने २८ बर्षिय दिनेश केसी र मोटरसाईकलमा पछाडी सवार निजको श्रीमती २६ बर्षिया अञ्जु कार्की रहेका छन ।
चालक केसीको दाहिने हात, दाहिने खुट्टामा र कार्कीको दाहिने खुट्टामा चोट लागेको प्रहरीले जनाएको छ । उनिहरुको तत्काल उद्धार गरी स्थानिय मेडिकलमा सामान्य उपचार पश्चात थप उपचारको लागि सामुदायिक मिसन अस्पताल ओखलढुंगा पठाईएको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए ।
उनका अनुशार दुबै जनाको अवस्था बोल्न सक्ने र मध्यम रहेको छ । ट्रक चालक रसुवा जिल्ला नौकुण्ड गाउँपालिका ४ का ३१ बर्षिय बिकाश डंगोल उपचारमा संलग्न रहेका र दुबै सवारी साधन प्रहरीको नियन्त्रणमा रहेको बताईएको छ । घटना बारे थप अनुसन्धान भैरहेको जिल्ला प्रहरी कार्यालय ओखलढुंगाले जनाएको छ ।
