ओखलढुंगा।दुइवटा मोटरसाइकल एकआपसमा जुध्दा मोटर साइकलमा सवार ४ जना घाइते भएका छन । आज (शनिबार) साझ झन्डै ६ :४० बजे जिल्लाको सिद्दिचरण न.पा. ११ जाल्पा मन्दिर स्थितमा दुर्घटना भएको हो ।
रमाईलोडाँडाबाट मिलनचोक तर्फ आउदै गरेको बा ७८ प ८२९३ नम्बरको मोटरसाइकल र विपरित दिशाबाट जादै गरेको प्र २ -०१-००१ प १०२६ नम्बर को मोटरसाइकल एक आपसमा ठक्कर खाई दुर्घटना हुँदा ४ जना घाइते भएका हुन ।
दुर्घटनामा घाइते हुनेमा ८२९३ नम्बरको मोटरसाइकल चालक सिनपा ३ नारायणस्थान बस्ने ४४ बर्षको ढुन्डिराम खनाल र सोही मोटरसाइकलको पछाडी सवार निजको श्रीमती बर्ष- २५ की यानुका खनाल रहेका छन ।
त्यस्तै १०२६ नम्बरको मोटरसाइकल चालक सिनपा ११ बस्ने ४५ बर्षका अविर बहादुर तामाङ र सोही मोटरसाइकलको पछाडी सवार निजको श्रीमती बर्ष ४८ की गोमा तामाङ घाइते भएका हुन । घाइतेहरु सबैको उद्वार गरि उपचारको लागि सामुदायिक अस्पताल सोब्रु पठाइएको प्रहरीले जनाएको छ ।
घाइतेहरुको अनुहार र शरिरका विभिन्न भागमा चोट लागेको जिल्ला प्रहरी कार्यालय ओखलढुंगाले जनाएको छ ।
