ओखलढुंगा । सुमो जिपको ठक्कर बाट मोटरसाइकल चालक गम्भीर घाइते भएका छन । आज (शुक्रबार) साझ झन्डै ६ बजे जिल्लाको मानेभञ्ज्याङ गाउपालिका ५ मानेभञ्ज्याङ चोक स्थितमा सवारी दुर्घटना भएको हो ।
काठमाण्डौबाट सोलु तर्फ आउदै गरेको ना १ ज ५६२९ नम्बरको सुमोले विपरित दिशाबाट जादै गरेको प्र २-०१-०० प ५८८१ न.को मोसालाई ठक्कर दिई दुर्घटना भएको प्रहरीले जनाएको छ ।
दुर्घटनामा मानेभञ्ज्याङ गाउपलिका ५ जेरुङ्का मोटरसाइकल चालक जेरुङ बस्ने अं. वर्ष ४५ वर्षियको वुद्दि बहादुर राई घाइते भएका हुन । उनको दाहिने खुट्टामा गम्भिर चोट लागेको बताइएको छ। दुर्घटनामा घाइते भएका उनलाइ स्थानिय मेडिकलमा सामान्य उपचार पश्चात थप उपचारको लागि सामुदायिक मिसन अस्पताल ओखलढुङ्गा पठाएको छ।
दुर्घटनामा परेको मोटरसाइकल, सुमो र सुमो चालक खोटाङको ऐसेलुखर्क गाउपालिका ३ का २४ वर्षिय हेमन्त निरौला प्रहरीको नियन्त्रणमा रहेको जिल्ला प्रहरी कार्यालय ओखलढुंगाले जनाएको छ ।
