ओखलढुंगा । आफ्नै श्रीमानको कुटपिट बाट श्रीमतीको मृत्यु भएको छ । जिल्लाको सिद्धिचरण न.पा.वडा नम्बर २ सार्की गाँउ बस्ने ओम कुमार सार्कीको कुटपिट बाट निजको ३४ वर्षिया श्रीमती कमला सार्कीको मृत्यु भएको हो ।
शनिबार दिउँसो ४ बजेतिर उनले श्रीमतीलाइ कुटपिट गरेका थिए । सोही क्रममा उनको मृत्यु भएको प्रहरीले जनाएको छ । उनले श्रीमतीलाइ कुटपिट गर्नुको मुख्य कारण खुलिसकेको छैन ।
घटनाको जानकारी पाएपछी त्यसतर्फ प्रस्थान गरेको प्रहरी टोलिले घटनाको प्रारम्भिक अनुशन्धान पश्चात् शब परिक्षणको लागि जिल्ला अस्पताल रुम्जाटार पठाएको छ ।
मृतकको श्रीमानलाइ कानुन बमोजिम पक्राउ गरी थप अनुसन्धान थालिएको जिल्ला प्रहरी कार्यालय ओखलढुंगाले जनाएको छ ।
