ओखलढुंगा । जिल्लाको खिजीदेम्बा गाउँपालिका ९ तावरमा १ घरमा आगलागी हुँदा १० लाख रुपैयाँ बराबरको क्षति भएको छ । आज (आईतबार) दिउँसो साँढे १ बजेतिर स्थानीय कर्मा ग्याल्जी शेर्पाको घरमा आगलागी भएको हो ।
उनको माटो ढुङ्गा र जास्ताको छानो भएको २ तले घर भित्र अगेना (चुल्हो) मा बालिएको आगोबाट अचानक घरमा सल्किन गई आगलागी भएको प्रहरीले जनाएको छ । आगलागीबाट घर र घर भित्र रहेको लत्ताकपडा,अन्नपात र भाडा वर्तन पुर्ण रुपमा जलेर नष्ट भएको थियो ।
आगलागीबाट मानवीय र पशु चौपायामा भने क्षति नभएको बताईएको छ । दिउँसो साँढे २ बजेतिर घटनाको जानकारी पाएपछि नजिकको प्रहरी चौकीबाट प्रहरी टोली त्यसतर्फ खटिएको थियो ।
घटना स्थल पुगेर स्थानीयबासी र प्रहरीको सहयोगमा उक्त आगो ५ः५ बजेतिर पुर्ण रुपमा नियन्त्रणमा लिईएको जिल्ला प्रहरी कार्यालय ओखलढुंगाका प्रहरी निरीक्षक विजय कार्कीले जानकारी दिए ।
