ओखलढुंगा । अभिरल बर्षा पछि झरेको पहिरोले २ घरमा क्षती पुगेको छ । जिल्लाको खिजीदेम्बा गाउँपालिका १ होल्पुका स्थानीय चित्रबहादुर खत्रीको घरमा क्षती पुगेको हो ।
गएरातीको अविरल बर्षाको कारण आज (सोमबार) दिउँसो १२ बजे निजको घरभन्दा माथिबाट पहिरो खसेको थियो । पहिरोले उनको ढुंगा माटो र टिनको छानो भएको एक तले २ वटा घरको पर्खालमा क्षति पुगेको प्रहरीले जनाएको छ ।
पहिरोका कारण उक्त घरमा बस्न नमिल्ने भनेर प्रहरीलाइ जानकारी प्राप्त भएपछि प्रहरी चौकी रगनिबाट प्रहरी टोली खटीएको थियो । प्रहरी र स्थानीयको सहयोगामा खत्रीको परिवारलाई आफन्तको घरमा सारिएको छ ।
पहिरोमा परि मानविय र पशुचौपायामा भने कुनै क्षति नभएको जिल्ला प्रहरी कार्यालय ओखलढुंगाले जनाएको छ ।
