ओखलढुंगा । काठमाडौबाट ओखलढुंगा हुँदै रामपुर तर्फ जाँदै गरेको सुमो दुर्घटना हुँदा २ जना घाइते भएका छन । आज ( मंगलबार) दिउसो ४:४० बजेतिर मोलुङ गा.पा.-२ थापाचौर स्थित ओखलढुंगा रामपुर भित्रि सडकखण्डमा ना १ ज ६४४६ नम्बरको सुमो दुर्घटना भएको हो ।
दुर्घटनामा जिपमा सवार मोलुङ गाउँपालिका २ डढुवा बस्ने ३८ बर्षिया दुर्गा कार्की र मोलुङ २ कै रामपुरकी ७९ बर्षिया यशोदा दाहाल घाइते भएकी हुन । सडकमा गुडिरहेको सुमो अनियन्त्रित भई सडकको भित्तामा ठोकिन गई दुर्घटना भएको प्रहरीले जनाएको छ ।
घटनाको जानकारी पाएपछि इलाका प्रहरी कार्यालय बरुणेश्वरबाट खटिएको प्रहरी टोलिले घाईतेहरुको उद्द्वार गरि उपचारको लागि सामुदायिक अस्पताल सोब्रु पठाइएको छ ।
दुर्घटनाग्रस्त उक्त सुमो र चालक ईलाका प्रहरी कार्यालय बरुणेश्वरको नियन्त्रणमा रहेका छन । उक्त सुमोमा जम्मा ९ जना यात्रुहरु सवार रहेको जिल्ला प्रहरी कार्यालय ओखलढुंगाले जनाएको छ ।
