ओखलढुंगा । बैंकिङ कसुरमा फरार रहेका ओखलढुंगाको सिद्धिचरण नगरपालिका–७, बिगुटार निवासी ६० वर्षिय बलबहादुर कटवाललाई प्रहरीले भक्तपुरबाट पक्राउ गरेको छ । उनीमाथि झन्डै ११ लाख रुपैयाँ बराबरको चेक बाउन्स गरेको आरोपमा मुद्धा दर्ता गरिएको थियो ।
प्रहरीका अनुसार कटवाललाई लामो समयदेखि फरार अभियुक्तको सूचीमा राखिएको थियो । विशेष सूचनाका आधारमा खोजी गर्दा भक्तपुरको चाँगुनारायण नगरपालिका–१ मा लुकीछिपी बसिरहेको अवस्थामा असार १५ गते पक्राउ गरिएको हो।
पक्राउपछि कटवाललाई आज (सोमबार) जिल्ला अदालत ओखलढुंगामा पेश गरिएको छ । अदालतले प्रारम्भिक अनुसन्धानका लागि ५ दिनको म्याद थप गरेको जिल्ला प्रहरी कार्यालय ओखलढुंगाका प्रहरी प्रमुख (डिएसपी) मदन केसीले जानकारी दिए ।
तस्वीर सौजन्य : जिल्ला प्रहरी कार्यालय ओखलढुंगा
