रामेछाप: नावालिका बलात्कारपछि फरार रहेका एक युवालाई रामेछाप प्रहरीले पक्राउ गरेको छ । शुक्रबार १४ बर्षिय नावालिकालाई बलात्कार गरी फरार रहेका सुनापती गाउँपालिका २ सिमपानी बस्ने २६ बर्षिय चेत बहादुर मगर भनिने रबिन थापामगरलाई प्रहरीले पक्राउ गरेको हो ।
शुक्रबार साँझ सोही स्थानको फलामेपोखरी सामुदायीक बनमा लगेर नावालिकामाथी जवरजस्ती करणी पछि उनी फरार रहेका थिए । पिडित परिवारको उजुरीका आधारमा प्रहरीले खोजतलास गर्दा शुक्रबार हिजो दिउँसो उनलाई पक्राउ गरिएको रामेछापका प्रहरी प्रमुख डिएसपी होम बहादुर पराजुलीले बताए ।
उनलाई खाँडादेबी गाउँपालिकाको खैरेनी पुलमा लुकीछिपी बसीरहेको अवस्थामा पक्राउ गरिएको डिएसपी पराजुलीले बताए । पक्राउ परेका मगरलाई हिरासतमा लिएर आवश्यक अनुसन्धान गरिरहेको जिल्ला प्रहरी कार्यालय रामेछापले जनाएको छ ।
