ओखलढुंगाःनिर्वाचित महिला जनप्रतिनिधिहरूको सञ्जाल सिद्धिचरण नगरपालिकाकाको आयोजनामा अन्तर्राष्ट्रिय युवा दिवस मनाएको छ । शनिवार दिवसको अवसरमा सञ्जालले राजनीति र राजनैतिक प्रक्रियामा युवाहरूको महत्त्व र भूमिका विषयक अन्तरक्रिया कार्यक्रमको आयोजना गरेको हो ।
दलित महिला केन्द्र नेपालको सहयोगमा आयोजना गरिएको कार्यक्रममा नगरपालिका तथा जिल्ला भित्रका विभिन्न युवाहरूले राजनीति र राजनैतिक प्रक्रियामा युवाहरुहरुको भूमिकाका विषयमा आ–आफ्नो धारणा राखेका थिए । सिद्धिचरण नगरपालिका प्रमुख तेजेन्द्र खनालको प्रमुख आतिथ्यतामा भएको कार्यक्रममा नगरपालिका भित्रका पूर्व तथा वर्तमान अवस्थामा राजनीतिक क्षेत्रमा लागेका महिला जनप्रतिनिधिहरूको सहभागिता रहेको थियो ।
कार्यक्रम निर्वाचित महिला जनप्रतिनिधिहरूको सञ्जाल सिद्धिचरण नगरपालिकाकाका अध्यक्ष अप्सरा पन्त कार्कीको अध्यक्षमा भएको हो ।
