ओखलढुंगा । आगलागीमा परि जलेर एक महिलाको मृत्यु भएको छ भने एक महिला घाइते भएकी छन । मृत्यु हुनेमा ३९ बर्षकि कमला दाहाल (गौतम) रहेकी छन ।
सोमबार करिब ४ :३० बजे जिल्लाको मानेभञ्ज्याङ गाउँपालिका वार्ड नं.- ७ हर्कपुर बस्ने उमेश गौतमको काठको बेरा र जस्ताको छानो भएको १ तले भान्सा घरमा निजको भाउजु कमलाले चुल्होमा डिजेल/ पेट्रोल प्रयोग गरी आगो बाल्ने क्रमममा अचानक आगो सल्कि आगलागी भएको थियो । उक्त आगलागीमा परी निज कमलाको घट्नास्थलमै मृत्यु भएको प्रहरीले जनाएको छ ।
घटना बारे प्रहरी चौकि हर्कपुरमा खबर प्राप्त भएपछि त्यस तर्फ प्रस्थान गरेको प्रहरी टोलिले स्थानीयको सहयोगमा ५ बजेतिर आगो नियन्त्रणमा लिएको थियो । आगो निभाउने क्रममा निज उमेश गौतमकी श्रीमती वर्ष २७ की जानुका गौतमको खुट्टामा आगोले जलेको बताइएको छ।
उनलाइ उपचारको लागि जनसेवा हेल्थ केयर घुर्मि, उदयपुर पठाई उपचार भईरहेको र अवस्था सामान्य रहेको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए । उक्त आगलागीबाट भडावर्तन,अन्न पात,काठपात समेत गरी १ लाख बराबरको क्षति भएको उनले बताए ।
आगलागीमा परि मृत्यु भएकी कमलाको शब आबश्यक कानुनि प्रकृया पूरा गरी परिक्षणको लागि जिल्ला अस्पताल रुम्जाटार पठाइएको पनि प्रहरी निरीक्षक सिंहले जानकारी दिए । घटना बारे थप अनुसन्धान जारी रहेको जिल्ला प्रहरी कार्यालय ओखलढुंगाले जनाएको छ ।
