ओखलढुंगा । गुड्दै गरेको मोटरसाइकलमा अचानक आगलागी भएको छ। जिल्लाको सिद्धिचरण नगरपालिका ११ रमाइलोडाडामा उक्त मोटरसाइलकलमा आगलागी भएको हो ।
आज (आइतबार) सोलुखुम्बुको नेचासल्यान गाउँपालिका १ का ३३ बर्षिय लाक्पा शेर्पाको प्रदेश ३-०२००१०प ३५३९ नम्बरको १५० सीसीको पल्सर मोटरसाइकलमा आगलागी भएको हो । चालक शेर्पा आज उक्त मोटरसाइकलमा ओखलढुंगा सदरमुकाममा आएका थिए ।
मोटरसाइकल धेरै नै तातिएको महशुस भएपछी उनले रमाइलोडाडा स्थित रुम्जाटार जाने बाटोमा रोकेका थिए । झण्डै दिउसो १२:३० बजेको समयामा रोकेर हेर्दा मोटरसाइकलमा आगलागी हुन थालेको पाइएको ट्राफिक प्रहरीले जनाएको छ ।
आगलागीबाट शेर्पाको मोटरसाइकल पुर्ण रुपमा जलेर क्षती भएको जिल्ला ट्राफिक प्रहरी कार्यालय ओखलढुंगाका प्रमुख (सइ) प्रबिण कार्कीले जानकारी दिए । मोटरसाइकलमा आगलागी हुनुको वास्तविक कारण खुल्न सकेको छैन । तर लामो दुरीमा मोटरसाइकल चलाइएको कारण इन्जिन अत्याधिक तातिएर आगलागी भएको हुनसक्ने आशङ्का गरिएको छ ।
