ओखलढुंगा । जिल्लाको सुनकोशी गाउँपालिका ८ आमभोटेमा आगलागी हुँदा १ घर जलेर पुर्ण रुपमा नष्ट भएको छ । स्थानीय जानुका मगरको घरमा आज (शुक्रबार) बिहान झन्डै १०ः३० बजेतिर आगलागी भएको हो ।
आगलागीबाट उनको २ तले फुसको छाना भएको घर, लत्ताकपडा र अन्नपात जलेर नष्ट हुँदा झन्डै ४ लाख रुपैयाँ बराबरको क्षति भएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए । घरको विद्युत अचानक सट् भएर आगलागी भएको पाईएको उनको भनाई छ ।
आगलागी भएको झन्डै डेढ घण्टा पछि नजिकैको प्रहरी, स्थानीयबासी र जनप्रतिनिधीले आगो पूर्ण रुपमा नियन्त्रणमा लिएका थिए । आगलागीमा परि मानविय तथा पशुचौपायमा भने क्षति नभएको प्रहरीले जनाएको छ ।
तस्बीर सौजन्य : जिल्ला प्रहरी कार्यालय ओखलढुंगा ।
