ओखलढुंगा । गाईलाई घाँस लगाउन गोठमा गएका एक पुरुष गोठमै मृत फेला परेका छन । जिल्लाको खिजीदेम्बा ६ का ६९ बर्षिय लाक्पा शेपा मृत फेला परेका हुन ।
बिहीबार साँझ करिब ६ बजे घरबाट गाईलाई घाँस हाल्न जान्छु भन्दै शेर्पा झन्डै २ किलोमिटर टाढा रहेको गोठमा गएका थिए । गोठमा गएका उनि बिहानसम्म घर नर्फकिएपछि उनकी श्रीमतीले खोजतलास गरेकी थिईन ।
त्यसैक्रममा उनि आज (शुक्रबार) बिहान गोठभित्रै मृत अवस्थामा फेला परेको पाईएको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले जानकारी दिए । घटनाको जानकारी पाएपछि ईलाका प्रहरी कार्यालय खिजीफँलाटेको प्रहरी टोली त्यसतर्फ प्रस्थान गरेको थियो ।
टोलीले आवश्यक कानुनी प्रक्रिया पुरा गरेर शबलाई पोष्टमार्टमका लागि जिल्ला अस्पताल रुम्जाटार ल्याउने तयारी गरिरहेको (साँझ ५:५० बजेसम्म) प्रहरी निरीक्षक दासले बताए ।
घटनाको अनुसन्धान भैरहेकाले घटनाबारे थप विवरण आउन बाँकी रहेको जिल्ला प्रहरी कार्यालय ओखलढुंगाले जनाएको छ ।
