ओखलढुंगा । घरबाट हसिँया बेच्न भनि हिँडेका एक पुरुष मृत भेटिएका छन । जिल्लाको चिसंखुगढी गाउँपालिका ३ दियालेका अन्दाजी ६५ बर्षिय गोठे कामी मृत फेला परेका हुन ।
आईतबार घरबाट गाउँतिर हसियाँ बेच्न भनि हिँडेका उनि आज (सोमबार) बिहान सम्म घर नआएपछि आफन्तले खोजी गरेका थिए । सोहि क्रममा आज बिहान उनि वडा नम्बर ८ को डढुवा भिर स्थित बाटोबाट झन्डै ७० फिट तल लडि मृत अबस्थामा भेटिएको प्रहरीले जनाएको छ ।
घटना बारे जानकारी आएपछि नजिकैको प्रहरी चौकी र जिल्लाबाट समेत प्रहरी टोली त्यसतर्फ प्रस्थान गरेको जिल्ला प्रहरी कार्यालय ओखलढुंगाका प्रहरी प्रमुख प्रहरी नायव उपरीक्षक दिपक केसीले जानकारी दिए ।
घटना बारे बिस्तृत विवरण आउन बाँकी रहेको प्रहरीले जनाएको छ ।
