ओखलढुंगा । रोकिराखेको स्काभेटरमा आगजनी गरेको आरोपमा सोलुखुम्बुमा शोमबार दुईजना पक्राउ परेका छन् । पक्राउ पर्नेमा सोलुखुम्बु लोखिमका २२ वर्षीय एकराज राई र २० वर्षीय सन्दिप राई रहेका छन् ।
उनीहरु दुवैजनालाई शोमबार साँझ पक्राउ गरिएको जिल्ला प्रहरी कार्यालय सोलुखुम्बुका सूचना अधिकारी प्रहरी निरीक्षक अनिल मिश्रले जानकारी दिए । पक्राउ परेका दुवैजनालाई मंगलबार जिल्ला अदालत सोलुखुम्बुबाट ७ दिनको म्याद थप अरि अनुसन्धानका लागि हिरासतमा राखिएको सूचना अधिकारी प्रहरी निरीक्षक मिश्रले जानकारी दिए ।
गत मंसिर ३ गते थुलुङ दूधकोशी गाउँपालिका–५ जुबुमा पार्किङ गरी राखेको हारबोट कन्ट्रक्शनको स्काभेटरमा अज्ञात ब्यक्तिहरुले आगजनी गरेका थिए । आगजानीबाट स्काभेटरको सम्पूर्ण भाग जलेर नष्ट भएको छ । जलेको उक्त स्काभेटर दूधकोशी–२ जलेश्वरी हाइड्रोपावरले नयाँ सडक विस्तारको क्रममा प्रयोग गर्दै आएको थियो ।
