ओखलढुंगा । घरको विद्युत शट् भएर आगलागी हुँदा साढे ३ लाख बढीको क्षती भएको छ । जिल्लाको मोलुङ गाउपालिका १ झगरपुरका भोलाकाजि राईको ढुङ्गा माटोले बनेको जस्ताको छानो भएको एक तले घरमा आगलागी भएको हो ।
आज (शनिबार) बिहान झण्डै ४ बजे विधुत सर्ट भई आगलागि भएको थियो । आगलागी बाट उक्त घर, घर भित्र रहेको काठपात,अन्नपात, लताकपाडा, नगद रु.१० हजार समेत जलि नष्ट हुदाँ अन्दाजी ३ लाख ५० हजार बराबरको क्षती भएको प्रहरीले जनाएको छ ।
उक्त आगो स्थानियबासीको सहयोगमा बिहान ५ बजे तिर पुर्ण रुपमा नियन्त्रणमा आएको थियो । आगलागी बाट मानविय तथा पशु चौपायमा भने क्षती नभएको जिल्ला प्रहरी कार्यालय ओखलढुंगाका प्रहरी निरीक्षक बालिष्टर सिंहले जानकारी दिए ।
