ओखलढुंगा । स्वर्गीय माता-पिताको स्मृतिमा ओखलढुंगाका एक श्रेष्ठ परिवारले पुण्यको काम गरेका छन । जिल्लाको सिद्धिचरण नगरपालिका ११ रामबजार निवासी श्रेष्ठ परिवारले पुण्यको काम गरेका हुन । स्वर्गीय पिता जनकबहादुर श्रेष्ठ र माता हिराकुमारी श्रेष्ठको स्मृतिमा छोराबुहारीहरु फडिन्द्र/निना,भुपदास/प्रतिमा, बालकृष्ण र निर्मला श्रेष्ठले सिनपा २ स्थित जेष्ठ नागरिक दिवा सेवा मिलन केन्द्रलाई जिन्सी सहयोग गरेका छन ।
वडा कार्यालय र वडाअध्यक्षको समन्वयमा शनिबार भब्य कार्यक्रमका बिच उनिहरुले स्टिल दराज,ग्यास चुल्हो, ग्यास सिनिन्डर, स्टिल मग,स्टिल किस्ती,म्याट्रेस्ट, कित्लीलगायतका सामग्री प्रदान गरेका छन । कार्यक्रममै स्थानीय जेष्ठ नागरिकहरुलाइ सम्मान समेत गरिएको सिनपा २ का वडा अध्यक्ष वसन्त कट्वालले जानकारी दिए ।
सिद्धिचरण नगरपालिका उप-मेयर केदारबाबु बस्नेतको प्रमुख आतिथ्यता र जेष्ठ नागरिक दिवा सेवा मिलन केन्दका अध्यक्ष सर्मिला कट्वालको अध्यक्षतामा सम्पन्न भएको कार्यक्रममा ११५ जना भन्दा बढीको सहभागी रहेको थियो ।
श्रेष्ठ परिवारले स्वर्गीय मातापिताको स्मृतिमा विभिन्न समयमा बिभिन्न समाजिक हितको काम गर्दै आएका छन ।
