ओखलढुंगा । जिल्लाको मोलुङ गाउँपालिका – ५ को वडा अध्यक्षमा नेकपा एमालेका गंगाबहादुर तामाङ विजयी भएका छन । रिक्त रहेको पदका लागि आज (आइतबार) भएको उप-निर्वाचनमा उनि ३ सय ९९ मतका साथ विजयी भएका हुन । आधिकारिक घोषणा हुन भने ( यो समाचार तयार गर्दासम्म) बाकी छ ।
उनका मुख्य प्रतिस्पर्धीहरु नेपाली कांग्रेसका घनश्याम दाहालले १ सय ७७ र राष्ट्रिय स्वतन्त्र पार्टी (राश्वपा) का बिष्णुप्रसाद पोखरेलले १ सय ५१ मत प्राप्त गरेका छन । कुल १ हजार ३ सय २५ मतदाता रहेको यस वडामा जम्मा ७ सय ६८ मत खसेको थियो ।
वडा अध्यक्ष पदका लागि विभिन्न दलबाट ६ जना चुनावी मैदानमा उत्रिएका थिए । यस अघि २०७४ र २०७९ को स्थानीय तहको निर्वाचनमा उक्त वडामा नेपाली काग्रेसले जितेको थियो ।
