ओखलढुंगा । जिल्ला समन्वय समिती ओखलढुंगाका नवनिर्वाचित प्रमुख टेकाराज भट्टाईले जिससले कुनै पनि समय गलत कदम चालिएको पाईए निरन्तर खबरदारी गर्न आग्रह गरेका छन । आजै (मंगलबार) पदभार ग्रहण गरेका भट्टराईले जिल्ला स्थित पत्रकारहरु संगको भेटघाट तथा अन्र्तक्रिया कार्यक्रममा बौल्दै पत्रकारहरुलाई यस्तो आग्रह गरेका हुन ।
जिल्ला समन्वय समिति स्थित आफ्नै कार्यकक्षमा भएको पत्रकार भेटघाट कार्यक्रममा उनले काम गर्दै जाँदा समन्वयले कहिँकतै गलत गरेको पाईए मर्यादापुर्ण ढंगले समाचार सम्प्रेषण गरि खबरदारी गर्न आग्रह गरे । जिल्ला समन्वय समितीको काम नै समन्वय र अनुगमन गर्ने भएकाले स्रोत साधन र विवेकले भ्याएसम्म काम गरिने उनले बताए । जसले राम्रो काम गर्न सक्छ उसकै राम्रो छाप बस्ने बन्दै उनले निजी र कमाउने,जमाउने काममा आफु नलाग्ने बताए ।
अहिले सामाजिक सञ्जालको बढ्दो प्रयोगले कतिपय राम्रो र सकारात्मक काम र कुरालाई पनि ब्यंग र नकारात्मक तरिकाले प्रचार गर्ने गरिएको भन्दै उनले राम्रोलाई राम्रो र नराम्रोलाई नराम्रो नै भनेर प्रचारप्रसार गर्न सुझाब दिए । गलत कार्यलाई गलत नै भनेर सम्प्रेण गर्दा आफुहरु रिसाउने नभई सच्चिनु पर्ने रैछ भन्ने सुझाव मिल्ने उनको भनाई थियो ।
आफ्नो कार्यकाल अवधिभर जिल्ला स्थित सबै सरोकारवाहरु संग मिलेर निरन्तर काम गरिने प्रमुख भट्टराईले बताए । कार्यक्रममा जिल्ला स्थित पत्रकारहरुले जिल्लामा लामो समय देखि अलपत्र परेका विभिन्न आयोजनाहरुलाई सम्पन्न गराउन पहल गर्न सुझाएका थिए । त्यस्तै अनुगमनको पाटोलाई थप प्रभावकारी बनाईनुपर्ने उनिहरुको सुझाव थियो ।
