ओखलढुंगा । बनमा लागेको आगो बस्तीमा पस्दा एक घर जलेर नष्ट भएको छ । जिल्लाको चिसंखुगढी गाउँपालिका ८ स्थित भालुखोप सामुदायिक बनमा गत चैत्र १९ गते करिब दिउँसो २ बजेबाट आगलागी सुरु भएको थियो । उक्त आगो नियन्त्रणमा लिईने प्रयास गरिएपनि अनियन्त्रीत भई बस्तीमा पसेको हो ।
आज (बिहीबार) साँझ ५:३० बजेतिर बस्तीमा प्रवेश गरेको आगोले चिसंखुगढी गाउँपालिका ८ माम्खाका सबिन राईको घरमा क्षति पु¥याएको छ । आगोले राईको ढुंगामाटो र फुसको छानो भएको १ तले घर जलेर नष्ट भएको हो । घर संगै घरभित्र रहेको अन्नपात, लत्ताकपडा, भाँडावर्तण समेत जलेर नष्ट हुँदा ४ लाख बराबरको क्षति भएको प्रहरीले जनाएको छ ।
आगोले कुनै मानविय तथा पशुचौपायामा भने क्षति नभएको जिल्ला प्रहरी कार्यालय ओखलढुंगाका प्रहरी निरीक्षक विजय कार्कीले जानकारी दिए ।
सांकेतिक तस्बीर
