ओखलढुंगा । जिल्लाको रुम्जाटार विमानस्थलमा फेरी विमान आउने भएको छ । जहाजमा आएको प्राविधिक खराबीका कारण झन्डै ४ महिना देखी अवरुद्ध हवाई सेवा पुन सुचारु हुने भएको हो । आउँदो चैत्र २० गते बुधबार नेपाल एअरलाईन्सको विमानले काठमाण्डौ–रुम्जाटार–काठमाण्डौ उडान भर्ने बताईएको छ ।
बुधबार बिहान ६ बजे नेपाल एअरलाईन्सको विमान रुम्जाटार विमानस्थलमा अवतरण हुने रुम्जाटार विमानस्थलका प्रमुख उत्सव पाण्डेले जानकारी दिए । तर नियमित उडान हुन्छ या हुँदैन भन्ने बारे अझै प्रष्ट भैनसकेको उनको भनाई छ ।
झन्डै ५ वर्ष पछि गत असोज २० गतेबाट रुम्जाटारमा हवाई सेवा सुरु भएर गत पौष ३ गतेबाट अवतरण तथा उडान ठप्प भएको थियो ।
तस्बीर : सामाजिक सञ्जाल
