ओखलढुंगा । जिल्लाको सिद्धिचरण नगरपालिका ९ का वडा अध्यक्ष गुणबहादुर खड्काले आफ्नो जन्मदिन बिध्यालयका बालबालिका संग मनाएका छन । धेरै रकम खर्चेर तामझामका साथ पार्टी गर्दै जन्मदिन मनाउने चलन चरिरहेको समयमा उनले सानासाना बालबालिका संग खुशी साटासाट गरेर आफ्नो जन्मदिन मनाएका हुन ।
आज (बिहीवार) आफ्नो जन्मदिनको अवशरमा वडा अध्यक्ष खड्का आफुले क, ख सिकेको स्थानीय चन्चलादेवी आबि खोदम्पामा पुगे । त्यहाँ हाल अध्ययनरत ७० जना बालबालिकाहरुलाइ ८ हजार रुपैयाँ बराबरको शैक्षिक सामग्री समेत बितरण गरे ।
बालबालिकाहरुले खुशी ब्यक्त गर्दै खड्कालाई धन्यवाद र जन्मदिनको शुभकामना समेत दिएका छन । बिध्यालयका शिक्षक तथा कर्मचारीले पनि वडा अध्यक्षको जन्मदिन मनाउने शैली प्रसंशनिय रहेको बताएका थिए । वडा अध्यक्षले बालबालिकाहरूलाई बितरण गरेको शैक्षिक सामग्रीले उनिहरुलाइ हौसला र सहयोग मिलेको उनिहरुको भनाइ थियो ।
वडा अध्यक्ष खड्काले भने आफैले बिध्यालय शिक्षा सुरु गरेको बिध्यालयका बालबालिकाहरु संग आफ्नो जन्मदिन मनाउन पाउँदा आनन्दको अनुभुति गरिएको बताए । आफुले बालबालिकालाई गरेको सहयोग सामान्य भए पनि यस्ले उनिहरुलाई नियमित बिध्यालय आउन प्रेरणा मिल्ने आशा ब्यक गरे ।
आगामी दिनमा पनि यस्तो सहयोगलाई निरंतरता दिइने वडा अध्यक्ष खड्काको भनाइ छ ।
